Item, esser stà cridà la prolongation di la trieva col re di romani per mexi tre, e si trama l'acordo: si tien seguirà etiam con sguizari, benché si crede sarà dificile, pur sguizari sono astreti di vituarie e danari, e todeschi in discordia tra lhoro, e Basilea è in do parte, una tien con sguizari et l'altra col re di romani e in tutti do li campi è carestia, sichè verà l'acordo. Item, esser lì a Lion monsignor di Trans olim di Serenon, praticha acordo tra Milan e Franza, e li vien spesso Alexandro da Bologna, et se intende con el ducha de Milan, el qual monsignor di Trans fa tutto per danari. Item, el gran prior di Alvernia facea armar tre nave a Marseja, et armade le sarano vol andar in persona a Rhodi.
     
      Vene el secretario dil conte di Pitiano, et presentò una lettera dil conte sotoscrita: Nicola Ursinus, comes Petiliani et Nolle, ac illustrissimi dominii venetorum gubernator generalis, etc., data a Gedi a dì 20. Si duol di sier Polo Trivixan el cavalier [779] podestà di Brexa; qual à impresonato do soi soldati e vol far morir uno per haver morto uno per custion, et ha la pace, et l'altro per debito lo tien, qual vol pagar, et che lei li havia scrito pregando li liberasse, et esso conte li vol cazar via. Li ha risposto haver scritto a la Signoria, per tanto pregava la Signoria nostra, per l'honor suo volesse fargeli dar dicti homeni, dicendo che da li 8 anni fino a li 56 che havia fato il mestier di le arme, et abuto stendardi dei fiorentini, dil pontifice, dil re di Napoli et di la Signoria nostra, et ha li soi capitoli, et mai con niuno rector havia auto tal diferentia come al presente con questo podestà di Brexa, se non in cinque caxi, zoè incendiarii, falsificatore di monede e traditori di stado.