Item, la galia Leza esser a Sibinico, la Istriana a Traù, la Lisignana esser partida et andada a Corphù dal zeneral.
     
      Da Trani, di sier Alvixe Contarini governador. Come era armata la galia de lì, qual si partì, a dì ... mazo per Corphù.
     
      Da Ferrara, di sier Bernardo Bembo dotor et cavalier vice domino, di ultimo. Come havendo ricevuto la nostra lettera, risponde tutto il successo di la retention, fata per quel signor, de Nicolò Pavan, et questo per odio hanno contra venitiani, et era in prexon, et stava malissimo, li era stà tolto il mobile, et era stà tenuto un pocho in torre in prexon, et poi hessendo amalato fu cavato, et posto in uno hospedal, el qual non à niuna colpa; et il Signor rompe li capitoli.
     
      In questo zorno in collegio li savii alditeno li oratori di Otranto, quali dimandono molti capitoli. Li fo risposto si consejeria.
     
     
      [1499 06 04]A dì 4 zugno. In collegio. In gran consejo vene l'orator dil ducha di Urbim, domino Machario, et disse al suo Signor per poter ben dir il tutto voria do auditori. Li fo risposto, per il principe, passato ozi se li faria risposta a la richiesta feze, senza altro.
     
      [785] Vene sier Hironimo Mocenigo, havia tolto la galia di Fiandra, et disse publice averla tolta per sier Piero Trivixan da la dreza, et si dolse che li altri do padroni fevano conventuale insieme, et che non li manchava altro a provarsi che li piezi, li quali li daria, et etiam voleva obligar ducati 2000 dil suo don apresso li piezi. Li fo risposto per il principe che seri la charata, et si baloterà in pregadi, et mandato fuori, parlò zercha questo sier Polo Barbo consejer, io Marin Sanudo savio ai ordeni, et sier Constantin di Priuli savio dil consejo mi rispose, et fo ordinato comandamento a li procuratori che dovesse tenir li ducati 800 dil Trivixam, per il danno arà la Signoria, tamen li ave in driedo etc.