Et sier Marchio Trivixan savio dil consejo, messe che, bisognando, lui dovesse cavalchar col titolo e condition ut supra; et è da saper la ferma dil primo anno compie a dì 7 avosto. Et tutti li altri savii, excepto li sopra ditti, azonse a la sua parte che bisognando se li daria titolo e condition condecente; parlò primo sier Francesco Trum e ben, poi in favor dil ducha sier Marco Antonio Morexini el cavalier consejer, e intrò in l'opinion di savii, poi di sier Marchiò Trivixan; li rispose sier Alvise Venier savio a terra ferma in favor di la sua parte, poi sier Francesco Capelo el cavalier, in laude dil ducha e voria darli ducati 27 milia per questo anno di rispeto per far molto al proposito nostro; et intisi ditto ducha havia col papa 36 milia fiorini a l'anno, zoè di la liga trina, papa, Signoria [810] nostra et ducha de Milan. Item, sua mojer è sorela dil marchexe di Mantoa. Or mandate le parte: una non sincera, 39 di no, di quella di savii fo 38, di quella dil consejer et savio fo 100, et questa è presa.
     
     
      [1499 06 13]A dì 13 zugno. Fo Santo Antonio. In collegio, in camera da basso, perhò che 'l principe si sinistrò una gamba, et non potea venir di sopra. Vene li tre provedadori sora le exation, laudono sier Marin Contarini governadore, e le raxon nuove esser disordenato oficio e mal tenuti li debitori.
     
      Da Chioza, di sier Zorzi Pixani dotor et cavalier podestà. Come el ducha di Urbim havia lì li soi cavalli, et dovendo tornar non sa se li debi far le spexe o no, perhò dimanda, etc.