Have una non sincera 55 di no, 130 di la parte et fu presa.
     
      Item, fu messo, per i cai di XL consejeri, che dovea dir prima, et li savii sopra ditti, di elezer per scrutinio tre provedadori sora i conti de tutti ambasadori, provevadori, sindici et pagadori, stati fuora da anni 10 in qua, et habino la mità di quello recuperano, possino intrometer et menar a li consegli, reservato tamen l'oficio dil sinichà di Pisa a sier Zuam Paulo Gradenigo, qual in termine di mexi do debi expediri, etc., et non possi esser electi chi sarano stati etc. Have niuna non sincera, 13 di no, 172 di la parte e fu presa, et poi fono electi.
     
      Item, fu messo, per nui savii ai ordeni, di mandar le galie di Fiandra in armada con altre condition, etc. Et leta dita parte, el principe ne persuase dovessemo indusiar, et fomo contenti.
     
      [825] Item, fo leto un'altra parte, metemmo, di far uno patron, al primo pregadi, dil belingier qual era compido in arsenal, et sia electo per do man di election a le banche, habi ducati 800 a l'anno con la condition di la mità, et sia armado con 100 homeni. Et dita parte have 11 di no, el resto di la parte, et fu presa.
     
      Ma prima sier Andrea Zanchani anḍ in renga, et disse non era montato per contradir a la parte qual laudava si armasse, et lauḍ nui savii ai ordeni et che doveamo meter che le galie grosse tutte fusse mandade in armada. Unde io havia zà la parte notada di mia in man, in manega, di mandar tutte le galie grosse in armada, et li patroni habino titolo et utilità di soracomito, non vadi li capetani etc.