Et il principe andò via di collegio, et restassemo a far li oficiali di Fiandra, servato l'hordine di dar sacramento per l'avogador, et fu fato armirajo Marco da l'Asta, et cazete l'armirajo, venuto col Capelo, di Fiandra, Zuam di Grignol.
     
      Noto. Intisi in collegio el zeneral di frati minori havia speso ducati 16 milia a Brexa, 5000 a Pisa, 3000 a Padoa in fabriche.
     
      Da poi disnar fo pregadi, et prima referite sier [835] Hironimo Donato dotor venuto orator di Roma, come scriverò io di sotto.
     
      Item, fu posto parte, per i consejeri, di meter in bando Zuam Hironimo de Loschi, et darli taja di terre et luogi di la Signoria nostra, per certo delito fato a Vicenza, et la parte have solum 6 di no; etiam fu posta l'altra taja di Padoa, et fu presa.
     
      Item, fo provà sier Lion da Molin patron a Baruto, qual si havia provà la etade, et have niuna balota di no.
     
      Fu posto, per li savii dil consejo terra ferma et ordeni, che il tempo di andar le galie di Fiandra al suo viazo andando in armada sia a dì 8 zener, et a questi patroni siano date le tre galie tornade di Fiandra, perché le soe non erano compide, tamen li patroni di l'arsenal le fazino compir; et have niuna non sincera, 7 di no, 168 di la parte, et fu presa.
     
      Item, fu posto, per li savii preditti, che li patroni di le galie di Baruto et Alexandria, provadi et si proverano, li sia dato per cauzion di soi danari, spenderano in armarsi, tutti li danari di la Signoria nostra, et le decime perse; et che le zurme, anderano in armada con ditte galie, debino et li sia risalvato a poter poi andar al viazo: have 6 di no et 164 di la parte et fu presa.