Et è da saper, prima se metesse la ditta parte, montò in renga sier Piero Vituri fo capitano a Vicenza, et dannò il collegio, laudò nui savii ai ordeni, et la serenità dil principe che ne deva favor, et disse si attendesse a le cosse di mar.
     
      Item, fo posto, per i consejeri cai di XL et savii di terra ferma: atento la venuta de li oratori francesi qui, et fazi per la Signoria nostra honorarli, che li sia dato le barche, et scritto per le terre nostre siali fato uno presente per terra. Item, qui li sia preparato una caxa, et la cena la prima sera, et poi fatoli uno presente di ducati 50; et sier Filippo Trum procurator et sier Marchio Trivixan savii dil consejo messe di farli le spexe, et il pregadi li piaque, unde el resto di savii et tutti consejeri cai introno in opinion: have 22 di no, el resto di la parte, et fu presa, tamen poi li fo dato ducati 100 al mexe, et preparato la caxa da cha Dandolo in calle da le Rasse, dove era l'orator fiorentino.
     
     
      Relation di sier Hironimo Donado dotor,
      venuto orator di Roma, fata nel Senato.
     
      Secondo l'antiqua et laudabele consuetudine di questa ben instituta republicha, referirò serenissimo principe, la legatiom mia, per esser stato a Roma dove è la sentina di tutto el mondo. Primo el [836] pontifice si racomanda a la Signoria, et questo li disse in rechia, et si aricordi suo fiol ducha di Valentinoes, et che esso papa facea zardin per tutto per dar stado a' soi fioli. Al presente è francese, desidera sora tutto la venuta de' francesi in Italia a danni di Milan, ma non intrerà in liga fino non veda i progressi lhoro; vol il reame per suo fiol; et è inimico di re Fedrico, publice dice mal di lui et di Colonesi che sono con esso re; à piacer favorizar Orsini, et li par hessendo molti Orsini a soldo di la Signoria nostra harà favor; è nimico di Spagna et pocho stima quelli reali, et di le parole disseno li oratori yspani fu gran causa Gracilasso orator vechio; et volea il re di romani facesse questo medemo, ma il papa adatò per via di certi ecclesiastici, et domino Philiberto orator di esso re a Roma nulla ne parlò. Item, è nimicho dil ducha di Milan et Ascanio, et la Signoria nostra sola par li sia amicha; ma el papa disimula ben, et fa quel li torna a preposito; et che l'orator pisano era stato lì, et el papa li promise esser con li oratori, veder, etc.