[1499 06 23]A dì 23 zugno. In collegio. Domenega. Vene sier Hironimo Capelo, tornato provedador per le camere, stato un anno fuora, referite haver fato intromision a' scrivani di la camera di Padoa et a Vicenza, poi a Verona, dannò il scrivani che sono veronesi, et quelli cittadini esser in disperation, è stato a Brexa et Bergamo, aricorda far uno provedador a Palazuol, ritornò poi a Verona; di conto nostro havia speso ducati 700; poteva spender ducati 1700; laudò Hironimo Donati suo nodaro, Domenego di Alberti razonato; et haver esso provedador auto gran fatiche, non ha dormito una hora tal note, et dimandoe uno loco in palazo per l'oficio suo. El principe lo laudoe, et disse lo volevamo mandar a Treviso a veder le raxon et cosse di quella camera, et ordinato darli il loco.
     
      Vene sier Piero Marzelo, rimasto provedador a Corphù, et refudoe.
     
      Vene sier Zuam Morexini, va ducha in Candia, dicendo non si potea expedir per andar con le galie di Fiandra justa la parte, pregando la Signoria terminasse: andasse con le galie di altra raxon; et cussì [844] fu fato. Et vene l'orator di Candia, vol monition: fu comesso a l'hordine nostro la sua expedition, et castigar la poliza. Item, sier Alvixe Barbarigo, va a Napoli di Romania, dicendo non poteva andar, et li fo concesso a partirsi a mezo lujo.
     
      Vene sier Andrea, et sier Alvise Soranzo da la nave et sier Piero da cha da Pexaro cassier, et acetono di armar, et comenzò a poner bancho.
     
      Vene uno messo del cardinal di Napoli, con una lettera di esso cardinal, lo ricomanda a la Signoria sia messo nel collegio a Padoa.