Item, exposi, come non si trovava zurme volessero venir su le galie grosse, a lire 8 al mexe; ma voleno, andando in armada, lire 12, come si arma le galie sotil; licet eri di hordine dil collegio facessemo far una crida in piaza che li si daria paga per 4 mexi et chi non anderà al presente non possi più andar su alcuna galia per anni 5, tamen nulla valse; et le galie di Fiandra che statim soleva esser fornite, non poteva armarsi. Or fo parlato assai, et il collegio ne [845] hordinò ozi dovessemo far ogni experientia castigando li jotoni, perché come uno comenzava a tochar tutti tochava, et tanto fici che rompì il precio a L. 8. Aduncha mi tochò armar in Fiandra sier Fantin Querini, la galia era di sier Ferigo Contarini fo di sier Ambruoso, a Baruto sier Jacomo Corner, in Alexandria sier Trojam Bolani, et cussì nui savii ai ordeni andavamo al bancho con li patroni.
     
      Ancora in questa matina fu balotà armirajo a Baruto, et rimase Zuam di Griguol stato armirajo in Fiandra; et fato li comiti, patroni et scrivani, mancha li homeni di consejo.
     
      Da poi disnar fu gran consejo; et fu fato avogador di comun, in luogo di sier Nicolò Foscarini havia refudà con la pena, sier Nicolò Michiel dotor et cavalier, fo avogador di comun, qual aceptoe.
     
     
      [1499 06 24]A dì 24 zugno. Fo el dì di san Zuane. In collegio. Vene maestro de Starniti teatino, et maestro Cabriel Zerbo, doctori lezeno a Padoa in philosofia et medicina, insieme col retor di scolari artista, con commission dil collegio di doctori; et fono alditi in contraditorio, con maestro Antonio Fraganzam doctor vicentin, leze in philosofia, qual non voria haver concorente inferior a lui, né voria essi doctori intrasse esso nel collegio di doctori.