In questo zorno li oratori di Franza zonseno a bona hora, li andoe contra molti patrizii, et doman dieno andarli a visitar per nome di la Signoria alcuni patricii fono chiamati, et li do oratori stati in Franza, et poi sabado ch'è festa verano a l'audientia.
     
     
      Electo provedador zeneral in la Patria dil Friul.
     
      Sier Alvixe Loredan, fo governador a Monopoli, q. sier Polo 31
      Sier Marco Antonio Morexini el cavalier, fo capitano a Padoa 63
      Sier Alvixe da Molin, el savio a terra ferma, q. sier Nicolò 31
      Sier Zuam Paulo Gradenigo, fo provedador sora i stratioti, q. sier Zuam 35
      Sier Francesco Zivram, è di pregadi, q. sier Bertuzi 35
      Sier Francesco Marzelo, fo capitano a Zara, q. sier Bortolo 11
      Sier Thomà Zen el cavalier, fo capitano di le nave armade 63
      [856] Sier Nicolò Foscarini, el savio dil consejo,
      q. sier Alvise procurador 87
      Sier Piero Marzelo, fo provedador a Bibiena, q. sier Iacomo Antonio, el cavalier 75
      Sier Lorenzo Zustignan, cao dil consejo di X, q. sier Leopoldo, procurator 73
      Sier Piero Soranzo, fo patron a l'arsenal, q. sier Vetor, procurator 39
      Sier Luca Querini, fo provedador a Napoli di Romania, q. sier Marco 33
      † Sier Andrea Zanchani, fo provedador zeneral in campo, q. sier Beneto 90
     
      Et subito romaso, fu chiamato a la Signoria, acciò respondesse, et aceptò immediate, dicendo era in hordine per partirse, quando la Signoria nostra li comandava.
     
     
      [1499 06 28]A dì 28 zugno. In collegio. Vene l'orator di Faenza dolendosi di Vicenzo di Naldo di val di Lamon, qual era a Ravena, che facea novità al signor, unde fo scrito a Ravena al podestà dovesse darne information di tal cossa, et quello fazea.