Ai nostri carissimi et grandi amici, el doxe et Signoria di Venecia.
     
      È da saper come, havendo scritto di sopra che in questo zorno fo electi in pregadi do provedadori executori sopra le cosse di mar, fo che: essendo stà electi da li savii dil consejo, pregadi e di terra ferma, e intrati messeno per parte quel zorno di far tal election, licet tutta l'armata fussa sta facta per nui savii ai ordeni; et io andai in renga e contradissi dicendo, è mal tuor l'honor de chi ha fato ben come eramo stà nui, et metessemo a l'incontro che le cosse da mar fosse comesso la execution a do savii ai ordeni per tessera, o per acordo, in presente come sono et per tempo sarano. Mi rispose sier Lunardo Loredano procurator, savio dil consejo, poi parḷ sier Polo Barbo el consejer per nui; li rispose sier Francesco Trum, savio a terra ferma; poi parḷ sier Vetor Capello, savio ai ordeni, colega de mi Marin Sanudo, che primo parlai; et ultimo anḍ suso sier Thomà Donado, el XL, q. sier Nicoḷ, dicendo non [864] era da vardar, tutti si dia fatigar; laudava la parte, e li era stà morto do fioli da' turchi etc. Anḍ la parte e fu presa di do balote. Sicome di sopra ho notato difusamente il tutto.
     
     
      [1499 06 30]A d́ 30 zugno. In collegio reduto per il caldo in la sala da drio, la qual risona molto. Vene tutti li patroni di le galie grosse di levante, et atento la election di do provedadori, parse a nui savii ai ordeni lassarli il cargo a lhoro: per il che la Signoria chiamono dicti executori, e comesse li dovesseno compir di armar; i quali per non haver homeni che volesseno andar in armada, reduti a l'armamento, sier Anzolo Trivixan e sier Zacaria Dolfin feno alcune provision, che di soto sarano notade.