Fu messo, per li savii pregadi, terra ferma et ordeni, che sier Zusto Guoro, sier Polo Calbo et sier Vicenzo Polani, quali cadeteno a la pruova, atento questi le hanno tolte fono per nome lhoro, et andando al presente in armada, questi tre vadino su le sue galie, habino titolo di soracomito, et che li altri tre provadi poi debino andar al viazo in Alexandria, et che li patroni di Barbaria e dil trafego, quali sono in armada, habino titolo etiam di soracomito. Have una non sincera, 11 di no, 151 di sì, e fu presa.
     
      Item, fu messo, per tutti li savii ut supra, di far 300 schiopetieri in le terre nostre, da esser mandati su l'armada, et have tutto il consejo, e fo opinion nostra, ma non fu exequida.
     
      Item, fu fato scrutinio di do provedadori, uno in la Morea, l'altro a Corphù, in luogo di quelli do refutono, et rimase sier Francesco Zigogna in la Morea, e sier Andrea Loredam a Corphù, et fono fati [866] senza pena, et il Zigogna la matina aceptò, et il Loredam tolse rispeto, poi acetò.
     
      È da saper, il principe confortò tutti a pagar le decime in questi gran bisogni, si da mar come da terra, dicendo: Signori, si non provedé perderé il stato, non averé più officii et regimenti, el Turcho ne vien adosso; et disse come senza pena era stà scosso solum lire 64 di grossi, di ducati 300 milia di debitori, ergo faremo mal.
     
     
      Scrutinio di do provedadori, uno in la Morea e l'altro a Corphù.
     
      Sier Zuam Francesco Venier, fo soracomito, q. sier Moixè 54
      Sier Lunardo Marzelo, fu patron a l'arsenal, q. sier Bernardo 86