Sier Francesco Marzelo, fo capitano a Zara, q. sier Bortolo 24
      Sier Hironimo da Mula, è di pregadi, q. sier Zuane 57
      † Sier Francesco Zigogna, fo rector et provedador a Cataro, q. sier Marco 123
      Sier Martin Pizamano, fo podestà a Chioza, q. sier Jacomo 56
      Sier Jacomo Venier, fo provedador in campo, q. sier Bernardo 66
      Sier Andrea Michiel, fo ai X oficii, q. sier Zorzi 37
      Sier Piero Balbi, el cavalier, fo capitano a Vicenza, q. sier Marin 26
      Sier Zuam Paulo Gradenigo, fo provedador sora i stratioti, q. sier Zuam 57
      Sier Zorzi Emo, ch'è di pregadi, q. sier Zuam el cavalier 63
      Sier Lucha Querini, fo provedador a Napoli di Romania, q. sier Marco 77
      Sier Alvixe Zorzi, fo patron al Zaffo, q. sier Beneto 31
      Sier Alvixe di Prioli, fo capitano di le zente di Alexandria, q. sier Zuane 52
      † Sier Andrea Loredan, fo capitano di le nave armade, q. sier Francesco 115
      Sier Piero Soranzo, fo patron a l'arsenal, q. sier Vetor el cavalier 88
      Sier Alvixe Loredam, fo governador a Monopoli, q. sier Polo 66
      Sier Marco Pizamano, fo di la zonta, q. sier Nicolò 48
     
     
     
      [867]Copia di un capitolo di una lettera scritta per sier Zorzi Tarona da Lepanto de dì 28, mazo, mandata de qui a sier Francesco Tarona suo fiol
      traduta di Greco in latin ad litteram ut supra.
     
      Da novo sapiate che da più bande et da spioni, i quali havemo et veneno ogni zorno, tutti dixeno come el Turcho el vien con la sua persona per terra a Napoli con l'exercito di la Natolia et l'armada per mar, hanno statuido con Amar bei di vegnir qui con l'esercito di la Romania, el qual et da i signali cussì dimostrano, perhò che Amar bei è el flamburaro de la Morea, et el Faym bassà anche l'altro zorno se messe in camin de andar suso, et caminano 10 mia et mancho: per tanto se 'l fusse de andar a Rhodi, over altrove lontano, el serave andado de avril, et se caminarave altramente, ma questo è palexe che non è da far lontan viazo: ha messo, et tagliano al despotato con gran presteza 10 milia lanze, et queste non è per Rhodi.