Et ragusei haveano da Constantinopoli, di 15, di la partita dil signor de lì per Andernopoli e vien in Scopia. Et che a do di questo zonse a Zara, et vete turchi non esser partiti de lì, et erano mia uno lontan; quelli rectori li dimandò danari, ducati 100 ge li dete, et li oferse darne ducati 1000 quali con lui havia, non li volseno. Item, dimandò ducati 10 spesi in barche per venir presto, e li fo dati. Et portò lettere di Nicolò Gondola da Ragusi e di l'abate di Meleda [889] dateli in secreto, scriveno questo che li è divedà il scriver.
     
      Vene il secretario di oratori francesi e disse haver lettere di meser Zuan Jacomo Triulzi di Aste, li avisa di l'apontamento facto tra li principi de Gueldres, Juliers et Cleves, con el ducha di Geler, che si haveano posti in quello dirà il roy, e li mandò lo apontamento in franzese. Item, li avisa che uno suo palazo di esso misier Zuan Jacomo, qual è ai confini di todeschi, non havia auto danno alcuno.
     
      Di Franza, di l'orator, ex Pago Meliano, a dì 29. Come a dì 26 el roy partì di castel Romorantino per andar adretura a Lion, tamen fè una via più longa per fuzer Burgos dove sta madama Janna duchessa de Varì olim soa consorte; et soa maestà esser a Migliano a uno vilazo. A hora esso orator vi gionse lì, et soa maestà non era ancor levata di leto: sarà con soa maestà; et il cardinal Roan li ha dito di lo apontamento dil ducha di Gueldres, Juliers et Cleves col ducha di Geler erano rimasti di star in quello dirà el roy di le sue diferentie, et li darà la copia dil compromesso, qual sarà qui sotto scrito; et il re li havia mandato 200 lanze in socorso a ditto ducha di Geler.