Item, è expressamente conditionato che si 'l fusse dicto et cognossuto per il prefato signor re, che la terra Erchlenge dovesse esser messa fora de le man dil ditto signor di Juliers, et che 'l prefato signor re mandasse qualche mandato in scriptis a l'officiale de ditta Erchlenge che è per el presente da parte de monsignor de Juliers, el sarà tenuto quello obedir ciò che il dicto oficial ha zà promesso per juramento, far in le mane di misier Rubertet de la Marcha, et si l'advien che 'l ditto officiale passasse di questa vita presente avanti del radunare de dicti principi davanti el re, sia fato lo oficial che sarà per lhoro, et sarà pari modo obligato de fare tutto quello che 'l prefato signor comandarà per scriptura.
     
      Item, pendente le dicte tregue et tratato, potrano li subditi di uno principe et de l'altro, et tutti li soi aderenti, servitori adiutanti de una parte et de l'altra, siano, nobile o non nobile, de qualunque maniera se sieno intromessi in la guerra, senza alcuna reservatione potrano andare certi et securi, far lhoro mercantie et negocii in città et terre de l'uno e l'altro principe, per acqua et per terra, dove si aparerà bono, senza che per cosse advenute lì se possa dare turbatione o impedimento; niente di meno ciascuno sarà tenuto pagare soi debiti secondo el diricto et costume, et inquirere et adimandare per judice competente.
     
      Item, è dicto et specialmente conditionato che tutti subditi et sotoposti de ditti tre principi, pendente le dicte tregue, habitarano in le cità et dominii [894] de l'uno et de l'altro principe, firme et realiter senza conducto, et pendente questo tempo, li subditi de uno principe et de l'altro possederà beni in le terre de uno e de l'altro; li gauderano senza impedimento.