Interrogatus se subito zonti nel contà di Zara corseno o pur se reposono, disse che sì immediate avanti che el bassà smontasse da cavallo se aviò le [899] brigate a corer. Interrogatus come podevano corer havendo cavalchato tutto el zorno avanti et la note, dixe che ne era molti che havevano cavalli a man, et questi montono suso li cavalli freschi et corseno, et feseno gran botin, li altri veramente che havevano uno cavallo solo non corseno quello dí. Interrogatus quanto tempo stete el bassà in quello loco dove mise el bassà el pavion la prima volta, dixe che 'l stete quella note, et la matina seguente se levò andando avanti a pocho a pocho. Interrogatus quante anime hano preso, dixe che non sa la quantità, ma che ne sono stà prese pur assai, perché il campo era tuto pieno. Interrogatus quanti animali sono stà presi, dixit infiniti. Interrogatus chi sono stà le sue guide, dixe turchi che altre volte sono corsi in questi paesi. Interrogatus perché essendo pase tra la illustrissima Signoria di Venecia et il Signor turcho hanno corso, dixe avanti che fessemo la coraria non se diceva niente di guerra, ma da poi finita la coraria se dixe ch'è la guerra tra la Signoria illustrissima et il Signor turcho. Interrogatus quanti cavalli sono stà in questa coraria, dixe sono stà 2000 cavalli tutti di Bossina. Interrogatus si ha fato danno suso quello dil re di Hungaria, dixe che non, et che fu fato le cride che nissuno non li dovesse dar danno. Interrogatus dove se atrova adesso el bassà, dixe che l'è soto a Ostroviza.