Et haver, di do spioni, di turchi venivano lì, à scritto per tutto, et a Monfalcom dove fono presi dal provedador Zanchani. Item, ha posto hordine che venendo turchi farano pocho danno in Istria, et forsi aràno la pezor; et avisa a Trieste quel Erasmo Brascha diceva stranie parole contra la Signoria, et che la farà cazar de Italia, et multa alia verba; et aduna farine assai in Trieste, quale si masena sul Friul et Caodistria, saria bon la Signoria nostra lo devedasse. Item, à molte spie in campo de' turchi, et le aspectano, et manda una lettera abuta dal conte Bernardin di Frangipani, li avisa etc. Et immediate per collegio li fo scritto, et a Udene non lassi più masenar etc.
     
      Di Raspo, di sier Daniel da Canal capitano, di 5. Manda una lettera scritali per il conte Bernardin sopraditto, qual avisa l'adunation de' turchi ivi propinquo, et voleno corer o in Friul o a Caodistria, lui sta preparato, aviserà il tutto. Et hanno fato pur danno su quel di l'Ungaro, et esser con turchi molti dì suo zenero ducha Zuam Corvino.
     
      In questo pregadi fu posto, per li consejeri, che sier Andrea Loredam va provedador a Corphù, possi portar ducati 400 di arzento con lui, stimati justa il solito, a risego di la Signoria nostra. Et ditta parte have 20 di no, el resto di la parte, et fu presa.
     
      Item, fu posto, per li savii dil consejo, terra ferma et ordeni, di mandar a Cataro de presente stera 1000 formento et ducati 500 a quel rector, et scriverli che bisognando li tegni aliter li mandi al capitano zeneral.