Item, mandar a Dulzigno 50 fanti soto uno contestabele. Have tutto il consejo.
     
      Item, fu posto, per tutti ut supra, et fo opinion mia, di armar 4 fuste sono in arsenal, et elezer in pregadi un capitano di ditte fuste per do man di election et la bancha, habi salario di soracomito, et [904] monti su una galia sotil, et li patroni si fazi per collegio videlicet s'intende popular. Item, sia scrito et mandato danari a Veja et Pago per armar le fuste sono lì, et cussì altre sono in Dalmatia, et queste debino star a custodia dil golfo nostro; et have tutto il consejo, et per Deum benedictum fo sola mia opinion.
     
      Item, fu posto, per i consejeri excepto sier Polo Barbo, cai di XL, savii dil consejo, di terra ferma et di ordeni, di suspender per uno anno tutti li pagamenti dil sal, governadori, et che non fazino sconti, et volendo spender quelli dil sal vengi in collegio a balotar la poliza. Item, li danari di provedadori di comun, non si spendi, et siano mandati per la guerra, etc. Et ditta parte have niuna non sincere, 13 di no, 155 di la parte, et fu presa.
     
      Item, fu posto, per tutti ut supra, di elezer el primo pregadi 10 savii per scrutinio, non potendo esser electi quelli di collegio, né possino refudar sub poena, quali reduti insieme debino tansar cadaun dar libere a la Signoria nostra, persi, da un ducato fino a 50. Have una non sincere, 70 di no, 113 di la parte.
     
      Item, fu posto, per tutti di collegio ut supra, excepto sier Polo Barbo et consejer: che questi 10 savii, sarano electi, debi tansar tutti a imprestar a la Signoria nostra da ducati 50 fino 300, et a quelli impresterano li siano ubligati li depositi dil sal 1502 et 10 milia ducati di le 30 et 40 per 100, come è stà ubligati per il consejo di X, con la zonta, ozi, et non suplendo sia ubligà el deposito seguente, et dicti danari si possi pagar di arzenti in zecha a ducati 6 grani 8, lavoradi la marcha, et schieti a ducati 5 et li ori a ducati 75 la marcha, et questo in termine etc. con don di 10 per 100. Et a l'incontro sier Polo Barbo et consejer, messe che questi tal 10 savii pigli li libri di cadaun, et fazi inquisition di le facultà lhoro et di danari, zoè merchanti etc., et debi tansar ducati 5 per 100 di tutto el cavedal, et imprestar a la Signoria nostra, restituendoli ut supra.