Sier Domenego di Priuli, fo savio ai ordeni, q. sier Marco 44,139
      Sier Zuan Francesco Venier, fo soracomito, q. sier Moixè 108,71
      Sier Zuan da Molin el cavalier, fo podestà a Lendenara, q. sier Cressi 42,148
      Sier Zuan Barbarigo, de sier Antonio 70,118
      Sier Andrea Foscolo, fo provedador ai Orzinuovi, q. sier Hironimo 80,113
      Sier Tomaxo Venier, q. sier Piero di San Zuan degolao 63,127
      Sier Nicolò di Prioli, el XL criminal, q. sier Mafio 62,124
      Sier Bortolo Dandolo, fo cao di XL, q. sier Pietro 56,133
      Sier Daniel Pasqualigo, fo patron di nave, q. sier Vetor 48,142
      Sier Alvixe Soranzo, fo patron di nave, q. sier Beneto 74,112
      Sier Gabriel Soranzo, fo patron in Barbaria, q. sier Bertuzi, dopio 51,139
      Sier Lorenzo Loredan, fo soracomito, q. sier Piero, dopio 80,102
      Sier Jacomo Contarini, el provedador sora l'armar, q. sier Piero, balotà terzo 49,138
     
     
      [1499 07 10]A dì 10 lujo. In colegio. Fo parlato zercha el signor Carlo Orsini, qual non vol cavalchar in Friul se non ha tre page, la qual cossa sdegnoe molto el collegio.
     
      Veneno: l'orator di Trani, quale fu alditto quello ci dimandava; et do di Otranto dimandono assa' capitoli. Et fo comesso a sier Piero Marzelo et sier [910] Piero Soranzo, stati governadori in dicti lochi, li vedesse et consigliasse.
     
      Da Rimano, dil secretario nostro et dil signor. Ringracia la Signoria di la lettera scrita a Roma per lui, si oferisse, vol far la mostra.
     
      Da Udene, di sier Domenego Bolani luogotenente e sier Andrea Zanchani provedidor zeneral, di 6. Come voriano le zente deputade venisse.