Rispose li piace assai; et voleva scriver al roy scriva al papa e al ducha di Baviera e al conte Paladin e a l'arzivescovo de Magonza e altri, siano contra el signor Lodovico; e che la Signoria etiam scrivi questo al nostro orator è apresso il re. Et è da saper prima si comunichasse tal lettere, fo fato aspetar assai, era di li savii, non voleva, etc. Item, sier Nicolò Michiel doctor et cavalier avogador di comun, venuto di Verona, referì come era stato, et la comunità haver fato pocho conto di la sua andata, tamen, havia fato il processo, darà taja in quarantia ai principali; et sier Filippo Trum procurator savio dil consejo, disse non voleva, etc.
     
      Da Milan, di l'orator, di 14. El ducha non esser andato in Alexandria, come scrisse, per haver gote a una gamba et a una man, ma mandoe zente et monition verso Alexandria et Novara; et si dice franzesi vien via di qua da' monti; et à mandà misier Galeazo di Sanseverino in Alexandria, et solum restava in Geradada misier Francesco Triulzi e misier Francesco Bernardin Visconte, e ha imposto ad alcuni citadini certa taja, et ha fato comandamento a tutti chi ha cavalli grossi, li presenti a lui.
     
      Da Turim, di Zuam Dolze, secretario, di 12. Come misier Zuam Jacomo Triulzi havia mandato a dimandar la stancia per scocesi, atento che l'astesam era pieno, quali dieno venir fin do zorni: quelli signori li han risposto mandi a dimandar al ducha di Zenoa. Item, scrive de' coloquii abuti con monsignor el marchial, dice el ducha de Milan verà su quel di Savoia col campo contra franzesi, et il suo ducha non vorà, per esser franzese.