Item, scrive esso provedador non haver danari, et non si ancora paga dil suo salario, et di quelli sono fuziti a l'isola tutti, et esser stà bon far il ponte; bisogneria fusse lì qualche galia, feva armar la fusta de lì, voria monition, et veniva qui a la Signoria Nicola Drago orator per questa comunità. Item, quelli di la montagna negra et Zupa, esso provedador li manteniva con bone parole aspectando la risposta nostra; et che Antivari li ha mandato a dimandar soccorso, et li ha mandà taole 200, piombo, etc. Aricorda quelli fanti sono lì a [944] Cataro è poveri, et che li citadini et done ajutava a fortifichar la terra. Et è da saper per collegio fo terminato mandar a Cataro do contestabeli con fanti 200: Sebastian da Vicenza et Hironimo Tartari.
     
      Da Citadela, di sier Alvixe Minoto podestà per nome di Severineschi. Et etiam il signor Antonio Maria di Sanseverin scrisse. Si scusano di certo beneficio lì dato per l'episcopo di Padoa a uno suo, et par essi signori habi auctorità dal papa di farlo lhoro.
     
      Da poi disnar fo gran consejo, et fo posto parte per i consejeri che sier Marco Orio electo capitano in Fiandra, qual al presente non andava, potesse esser electo in ogni oficio et rezimento in questo mezo che 'l vadi. Et io Marin Sanudo savio ai ordeni comparsi a la Signoria, et aricordai metesse etiam di sier Alvixe Zorzi capitano in Alexandria, et sier Piero Barbo capitano a Baruto, et cussì meseno; et la ditta parte have 100 et più di no, el resto di sì, et fu presa.
     
     
      [1499 07 22]