Item ricomanda il loco di Antivari per monitiom.
     
      Da Cataro, di sier Francesco Querini rector, et provedador, di 9. Haver aviso turchi esser per venir a le cadene, aricorda le provision, aspeta la risposta in la materia di Zupa et Montenegro, et haver aviso da li rectori vicini, turchi sono propinqui per venir lì.
     
      Da Zara, di rectori, di 18. Avisa il redur di turchi a Bossina, et esser iterum per corer su quel teritorio; per tanto spazono un gripo a posta, et ha questo aviso da Spalato, et il patron dil gripo disse haver visto corer turchi su quel di Nona, tamen li homeni erano fuziti a la marina per fuzer.
     
      Da Sibinico, di sier Vetor Bragadin conte, do lettere, di 14 et 15. In la prima manda una lettera abuta dil conte Piero di Corbavia, la qual sarà qui sottoposta, per tanto vol monition. Per l'altra di 15, disse come era tornato quel corier che fu mandato da Scander bassà per la recuperation di le anime, et fu retenuto da ditto Scander fino tornò con la preda di Zara, qual è a Ostraviza, et li mostrò la preda dicendoli cognosestu alcun di taja, rispose lo corier esser poveri homeni: or lo vendete per ducati 30 a uno mercadante dil qual era fuzito, et venuto per zorni 7 per lochi aspri, et disse Scander haver mandà a presentar 60 puti al Signor turcho. Item, par esso conte habi aviso da Spalato, turchi redursi et haver passato il fiume, dieno corer verso il Friul, per la qual cossa lui fazeva ogni provisiom per il teritorio. Item, ha ricevuto le munition; et quella camera esser povera, fu speso ducati 100 a mandar il soccorso a l'Urana, per tanto voria la Signoria nostra li mandasse danari et fanti.