Et che in quelli zorni fu preso una fusta de' mori per quelli da Lypari. Et è mo terzo zorno a Pontia, isola mia 30 sora Gaeta, lontan di terra, tre fuste di mori scorsizoe e prese certe barche de pescaori e molti homeni preseno di l'isola, le qual fuste vanno verso Calabria, capitarano in man de li popoli a Dio piacendo, perhochè hanno una galia et 4 fuste fuora.
     
      [958] Item, le galie dil re deputate per Zenoa non si parte, aspectano la raina ch'è in castello.
     
      Di Roma, di l'orator, di 19 et 20. In la prima ricevete lettere nostre di 8. Andoe dal papa con il qual era il cardinal Capua, e li expose il juramento fato a li oratori francesi e le nove di turchi, e il papa ringratioe la Signoria di la comunication, et disse el ducha di Milan è causa, perché manda cassa al Turcho, et uno orator suo zonto a Pexaro vien a Milan a dimandarli ducati 200 milia promessi, disse il papa, credo il ducha voglii trazer el diavolo per precipitar presto. E poi vene Piero dal Bene fiorentino e mostrò avisi di Franza al papa, dice a Liom a dì 10 el roy intrò, et il ducha di Valentinoes dovea intrar 4 zorni da poi; et da Fiorenza che fiorentini hanno mandato in campo lhoro ducati 40 milia, harano homini d'arme 800 et fanti 4000, et ne farano ancora 200, et che Paulo Vitelli ha promesso darli Pisa in zorni 10, et a dì 18 voleano impiantar le artilarie, boche 14. Item, poi mostrò avisi di Venecia, la Signoria nostra haver gran summa di danari, dice ducati 500 milia, et hano fato li oficij di bando, et dieno romper di brieve al ducha di Milan per la promessa fata al roy, poneno in hordene le zente et hanno fato grande armata.