Item, fu posto per li savii sopraditti di scriver a l'orator a Roma dimandi al pontefice autorità di le do altre decime dil clero, et conforti il papa a le censure dil ducha di Milan, sì per el retenir dil suo messo, qual per haver incità turchi contra la Signoria nostra. Item, dirli soa Santità non dubiti, si scriverà a Napoli. Et etiam posto di scriver una lettera a l'orator nostro a Napoli con parole alte debi dir al re fazi star Colonesi indrio di molestar la chiesia, perché se li verà mal sarà suo danno, et si aRIcordi di le nostre parole, et li dagi la risposta. Have solum 4 di no.
     
      Item, fu posto, per tutte tre man di savii, excepto io Marin Sanudo savio ai ordeni, la parte di aceptar quelli di Zupa et Montenegro, conditionata perhò, unde tutto el pregadi era di mia opinione, et volendo andar a contendir, parse a li savii d'acordo de indusiar, et fo il meglio.
     
      Et fo leto una lettera di sier Matio Bafo conte di la Brazza: avisa come quelli di l'isola, dubita de' turgi, prega li sia mandaTe monition, mandano uno orator in questa terra; sichè dubitano assai. Et fo mandà sier Leopoldo Loredam procurator savio dil consejo, et sier Francesco Trum savio a terra ferma a caxa di li oratori di Franza, a dirli queste deliberation, quali oratori in conformità spazò a Roma al cardinal San Dionisio dovesse dir al pontefice.
     
     
      Electi do provedadori zenerali in brexana.
     
      Sier Piero Marzelo, fo provedador a Bibiena, q. sier Jacomo Antonio el cavalier 65,135
      Sier Domenego Trivixam el cavalier, fo podestà a Brexa, q. sier Zacharia 103,94