Contestabeli electi per campo.
     
      PRIMA.
     
      Ramazolo da Bologna provisionati 150
      Zuam Mato, era a Crema " 150
      Francesco da Meram " 100
      Pim da Bergamo " 100
      Hironimo Bariselo, da Ravena " 100
      Bernardin di Ugoni " 150
     
     
      Electi ozi in collegio.
     
      SECONDA.
     
      Maldonato, spagnol provisionati 70
      Cola Calmali " 70
      Pauliza da Cataro " 70
      Matio da Zara " 50
      Bernardim da Como " 100
      Zuam Batista Rustezelo " 100
      Paulo Basilio " 100
     
     
      Et in questo zorno, per collegio, fu expedita la comission di sier Agustin Malipiero capitano di le fuste, qual si parte doman, et va via.
     
      Da Gradischa, di sier Andrea Zanchani, provedador zeneral, di 23 et 24. Come Coltrim ingegner era lì, fa il reparo; ha pur aviso 12 milia turchi, a dì 22 dormi soto Grigna, et esser fama lui provedador habi persone 20 milia, tamen à poche, pur fa redur le zente melio el pol. Et ave una lettera di Goricia da misier Virgilio in risposta di una soa perché intendeva todeschi deva vituarie et passo a' turchi: li risponde non esser vero, et lui vol far segno quando verano con bombarde, et à hordine dal conte non li dar passo. Et esso provedador dimanda 200 schiopeti et 100 curazine; et scrive farà tanto che non à paura. Et ozi fo expedite queste curazine, et schiopeti, et mandati via.
     
      Da Cadore, di sier Andrea Dolfin capitano. Come era venuto da Trieste a prender uno agnelin su quel di la Signoria nostra, unde lui capitano à mandato a dolersi di questo, avisa etc.
     
      Da Moncelese, di sier Zuam Gradenigo. Come [966] el signor Carlo Orsini era lì, et tuttavia l'andava solicitando.