Item, per un'altra literina disse haver 20 turchi vivi, quali quelli cittadini vol tenirli per veder de recuperar le anime prese da' turchi, con contracambio.
     
      Da Feltre, di sier Mathio Barbaro, podestà et capitano, di 25. Come si tratava acordo tra agnelini et sguizari per mezo di l'episcopo di Yspurch. Et era venuta una lettera dil papa comandava a tutti facesseno paxe per andar contra infedeli. Item, esso podestà aricorda le biave non si pol adunar a le forteze, justa i mandati, per esser in la paja, justa el cunsueto de' feltrini; et che la forteza di Schener havia bisogno di custodia per esser importante, et è solum il castelam con 5 page; sichè la Signoria provedi.
     
      Da Ferrara, di sier Hironimo Donado, dotor, vice domino, di 23. Come le zente di don Alfonxo, poche cavalcherà, li dà solum ducati 5 per homo d'arme; et esser nova il marchexe di Mantoa à conzo la diferentia con Milan per mezenità di quel ducha.
     
      Da Milan, di l'orator, di 24. Avisa francesi oltra il prender di Solera et Carniento, etiam haver preso Felizano, et sono firmati col campo lì; et a Milan si fa provisiom di fanti et provisionati, quali si mandano a quelli confini e una parte si manda [968] sora Ojo, et il signor à fato comandamento a quelli confina con la Signoria nostra redugi le biave a le forteze; et il conte di Cajazo è in Gera d'Ada.
     
      In questo pregadi, sier Marco Antonio Morexini el cavalier andoe dovanti la Signoria, et aceptò di andar provevador in campo, perché la terra cominzava zà a mormorar che non acetava.