Da Spalato, di sier Marin Moro, conte, di 17. Haver avisi turchi 1000, capo Sinam vayvoda de Mostar, andavano verso Sibinico. Item, aspectarsi turchi a Traù a quel castello si fa di novo, e si dice Scander bassà con 5000 turchi va in Friul.
     
      Et fo balotà di mandar ducati 200 da mandar al rector di Sibinico per li bisogni, et scritoli una lettera laudando lui et quelli fidelissimi.
     
      Da Trevixo, di sier Andrea Dandolo, podestà et capitano, di 20. Come el signor Carlo Orsini, con le zente era de lì via, li preparava alozamenti. Item, sier Zuam Paulo Gradenigo, è con lui, scrisse in conformità.
     
      Da Feltre, fo releto la lettera di eri, di 25. Dice di più di quello ho scritto che il re di romani è presso Costanza e vol far una Dieta.
     
      Item, fo balotà do volte, mandar a sier Marco Lipomano el cavalier orator a Milan, ducati 150 acciò si possi levar, et non fu preso.
     
      Item, fo ordinato mandar 16 pezi di artilaria, è in barze, in campo.
     
      Item, el bonus in fontego è pochissimo, e la farina è cresuta lire 5 p. 4 al ster, adeo fo parlato in collegio di far provision.
     
      Da poi disnar fo consejo di X, con zonta dil collegio, credo in la materia dil marchese di Mantoa si voria acordar.
     
      Da Cataro, di sier Francesco Querini, rector e provedador, di 16. Avisa il zonzer lì di Martinel da Lucha, qual dimanda danari, et li megij zonse, et lui rector fa trovar formenti e meter in la terra, à mandato a tuorne in Puja et à retenuto lì uno navilio di formenti di suo fratello sier Hironimo; quelli di Zupa veneno da lui per capitolar, à posto tempo aspectando hordine di la Signoria nostra; et par quelli, per esser in bando dil consejo di X, voriano auctorità da quello.