Item, altri avisi dil campo dil Turcho dove si trova. Et come sier Zuam Francesco Baxadona soracomito era partito de lì e mandato dal zeneral; et mandoe avisi abuti da Syo dil consolo nostro Zuam di Tabia, mutato il nome soto scrive Francesco Davanzo, par habi di Pera et Bursa che adì 30 mazo el signor Turcho partì da Constantinopoli et a dì 13 zonse in Andernopoli et a dì 15 si partì. Item, che l'armata a dì 15 zugno partì, vele 130 di Constantinopoli, et 130 e più è a Galipoli; e di lì si diceva di la gran armata di la Signoria nostra, unde molti stimava, et non si sapea dove voy andar quella dil Turcho; et hanno inteso di la coraria fata a Zara per Scander bassà, et che queli su l'armada son mal atti; et per alcuni altri avisi et ditto provedador, [980] scrive haver di la indisposition dil Turcho. Item, si have da Nepanto lettere drizate al capitano zeneral, che a dì 20 el Signor esser partito quel dì de Andernopoli per Philipopuli, et uno flambular solo di la Morea è sopra Salonichi.
     
     
      Copia di una lettera in Greco scrittaa sier Francesco Bragadin,
      provedador di Napoli, per Chalul bassà de la Morea,
      a dì 21 zugno scritta.
     
      Nobilissimo, gloriosissimo, sapientissimo et degnissimo provedador de Napoli etc. La degna et conveniente salutation mandemo a la nobiltà tua. Quando insite la mia Signoria de lì, havemo mandà lettere a la nobiltà tua che dovesse avisar i nostri homeni che non dovesseno insir a guastar el logo nostro, et respondesti che altramente non se farà imo lo guarderesti: hora aduncha intendemo che havete dato licentia a li albanesi et di Stagno per ruinar el logo del gran Signor, et la vostra nobiltà sa zà che il gran Signor la paxe la mantien ferma, et la vostra nobiltà si incita et move e non è honesto, perché se 'l gran Signor non havesse paxe, non haveria lassato el suo loco solo, ma l'haveria ben homeni da lassar in governo dil suo logo, ma per la bona paxe non ha lassato, et etiam per veder a che modo li mantegnirete la paxe, ma per 10 overo 20 casali che i vostri homeni poria minar el gran Signor non ne faria caso, ma el pareria la colpa procedesse da voi, si accenderesti el foco et poi non lo poresti a smorzar.