Honesto è che etiam la excelentia vostra admonischa et menaci i soi subditi di quella che non tochino cosa alcuna di lochi nostri, acciò che per pocha cossa non se mova assai, et a l'ultimo non serà per ben. Caeterum el mio signor bassà me ha scritto che li mandi un poco di spesa, et apresso de noi hora non si trova danari; havemo ordinà al nostro scrivan se 'l troverà alcun mercadante che 'l parli con lui se 'l porà acordarse per formenti, cioè de le decime che havemo tolto de lì, et de altri che sono in Argos potrà esser che 'l troverà qualche sia, et farà la spesa, volemo mandar, pregemo la excelentia vostra li presti favor. Altro al presente non accade. Li anni de la excelentia vostra sia boni et assai.
      Die 28 junii.
      La sottoscrition: Mehemeth vayvoda di Corintho.
      La Mansion: Tutte le lettere hanno la sottoscritta mansion: Al nobilissimo, gloriosissimo et sapientissimo provedador de Napoli.
     
      Di Candia, di sier Bernardo Zustignam, capitano, vice ducha et consejeri, di 22 zugno et 10 lujo. Haver armato tra Candia, Retimo et la Cania 9 galie, et la Barbariga et Baroza fino a dì 24 ditto saranno expedite di armar, et le manderà via. Item, tra lì et la Cania hanno armà 8 nave, do è zà partite, et su la galia Baxadona à mandà 100 arzieri, et su le nave oltra i homeni sono di più 130; sichè sarano di Candia 700 valenti homeni. Item, manda lettere di do lujo replicate di questo, et poi di 10 lujo: come havia scritto al gran maistro di Rhodi una lettera, di là mandoe la copia, dimandandoli la sua armata in ajuto di la nostra, et manda i gripi a tuor biscoti.