È da saper dicti turchi volendo venir in Friul hano da passar un bosco pien di tavani, adeo convien aspetar il septembrio.
     
      In questa matina fo balotà certe monition per la Brazza, et ducati 2000 per armar la barza, patron sier Sebastian Moro.
     
      Item, fo mandato a dir, per uno secretario, al patriarcha debino far far oration special per tutte le chiesie contra infedeli.
     
     
      Electo pagador in campo, in collegio.
     
      Sier Nicoḷ Salomon, fo savio ai ordeni, q. sier Michiel 6,16
      Sier Vido Morexini, fo cao di XL, q. sier Nicoḷ 14,7
      Sier Vicenzo Contarini, q. sier Hironimo 10,12
      Sier Benedeto Calbo, q. sier Piero 5,17
      Sier Alexandro Minio el grando, q. sier Castelan 7,15
      Sier Andrea Arimondo, q. sier Simon 9,12
      Sier Piero Bragadin, fo cinque di la paxe, q. sier Zuane 4,18
      Sier Daniel Dandolo, fo pagador di forestier, q. sier Hironimo 13,9
      Sier Marco Gradenigo, q. sier Zusto 4,18
      Sier Piero Bembo, di sier Bernardo, dotor et cavalier 2,20
      Sier Andrea da cha da Pexaro, q. sier Nicoḷ da Londra 11,10
      Sier Sigismondo di Cavali, fo pagador in campo, q. sier Nicoḷ 8,14
      Sier Lunardo Emo, q. sier Zuam el cavalier 12,10
      Sier Jacomo Contarini, el provedador sora l'armar, de sier Piero 11,11
      [986] Sier Hironimo Foscari, fo auditor nuovo, q. sier Urbam 2,20
      Sier Homobon Griti, q. sier Batista 13,9
     
     
      Da poi disnar fo pregadi, non fo il principe, per lezer le lettere de mar.
     
      Da Bassan, di sier Alvixe Liom podestà et capitano, di 29. Come havia fato la descritiom di homeni, justa i mandati: in la terra esser homeni 706, e nel teritorio 1177 da fati, et che a Jvam si faceva provision, et esser stà a le man todeschi e sguizari morti di tutti do assai.