Fin qua sono stà tratadi et se tratano con favor et bone opere, che hanno rezevudo et rezeverano i subditi et naturali de vostra illustrissima Signoria che a queste parte sono vegnudi et vien, et perhò me par cossa injusta che non se debia haver mazor caxon con la qual molto più tal amor et conformità se manifesti. Zà che per questo zè tanto aparechio con la venuta de vostre galie che per questi mari et porti passano ciaschadun anno in el ponente, le qual galie in li mii porti senza niun slongar de camin, ne le so vegnude et tornade, pono intrar, et star cussì secure et [992] liberamente come in li proprii porti de vostra illustrissima Signoria, et maxime nel porto de la mia vila de San Lucha de Barrameda, la qual sta tanto proxima et apresso de questa città de Sibilia, et de tanto grando paese, et si tien tanti aparechi ditte galie che, intrando in ditto mio porto, et fazando in quello alcuna dimora, se porano spazar le so marchadantie, et provederse et fornirse de tutte le cosse necessarie, zà che tutti, et l'un et l'altro, li saranno cussì favorevole et libero et franco come in qual se voglia de li ditti vostri porti, in tutto el tempo che verano o li convegna far nel ditto mio porto de Barrameda o in qual se voglia de' altri miei soa dimora. A la illustrissima Signoria vostra suplico et dimando de gratia habia per ben di comandar ai so capetanii, che da' mo' avanti intrano nel ditto mio porto, ne le so vegnude et ritornate, et far in esso sua dimora, perché ciaschaduna volta che cussì intrerano me sarà molto agrato che tutto el tempo che in el ditto porto verano star possano vender et vendano liberamente, et senza pagar dreti alcuni de quelli che ai miei dacii apartien, et oltra questo elle et vostre capitanii et marcadanti et compagnie, et altre persone che in esse galie vegnerano, receverano tanto honor et favor che sempre aràno piazer de continuar so vegnuda al ditto mio porto.