Da Riva, di sier Hironimo Baffo provedador, di ultimo. In materia di biave, qual traze quelli per val di Ledro e portano in terra todescha.
     
      Da Rimano, di Zorzi Franco secretario, di 29 lujo. Come el signor dicea non poter cavalchar con tre page, vol più; et che havia venduto stera 25 formento per viver; et esso secretario à la febre, non pol andar a Urbim; et esser venuto lì uno sier Matheo Ramusio, ha cavalli 100 con fiorentini, si offerisse venir a soldo nostro, e menerà con lui homini d'arme 30. Item, come quel evangelista di San Marin, fu retento in rocha de Urbim, era morto repentinamente, adeo tutti quelli di San Marin è in moto. Item, quelli citadini di Rimano sono venuti a pregarlo scrivi la Signoria lievi il signor de lì per bon respeto e ben nostro.
     
      [1009] Di Caodistria, di sier Alvixe da Mula, potestà et capitano, di primo. Haver da Castelnovo che a uno loco de todeschi era stà trato 5 colpi di bombarda, non sa perché; et esso podestà havia mandato Jacomo de Lepora a la Jayza in Bossina, per saper nove di turchi.
     
      Fu posto, per li savii dil consejo e di terra ferma, di scriver una lettera al zeneral, et mandar Alvixe Sagudino al Turcho, si a esso capitano par. Et perché era l'hora tarda, sier Andrea Cabriel el consejer vedendo tanta materia passava senza contradition, andò in renga, unde d'acordo li savii indusiono.
     
      Fu messo, per li savii sopraditti, che sier Marco Antonio Morexini el cavalier, va provedador in campo, debi partir per tutto mercoredì 7, in poena di ducati 500. Item, si scrivi a le terre dove per collegio fu scrito fazi li fanti e mandi in campo, et fazino do citadini per loco a solicitar le zente d'arme che subito cavalchino in brexana, e doman si dichi questa nostra deliberation a li oratori franzesi, et soliciti il roy a venir a l'impresa; et ditta parte have 5 di no et 189 di la parte, et questa sera si parte el pagador, et fo expedita per collegio la comission di provedadori in campo.