Ricevuti i ducati 300 per armarla, li qual dispensò con sier Alvixe Navajer camerlengo de lì, voria il biscoto, e zà è stà mandato.
     
      Da Gradisca, di sier Andrea Zanchani [1014] provedador zeneral, di do. Come li stratioti li haveano domandato danari per le page, etc.
     
      Da Ferara, di sier Hironimo Donado doctor vice domino, di do. Come eri fo col ducha, qual li fè bona ciera e parlò di le cosse di Lombardia. Li disse uno suo era venuto di Aste, è zorni tre partì, e che ivi era solum lanze 600 franzese, ne veniva di le altre et sarà pedoni 12 milia quali è per passar li monti, et esso ducha dice voria si conzasse le cosse. Poi parlono dil Turcho, e che la Signoria nostra havia gran fama di la grossa armata. Item, esser confermà di l'ussir di l'armada turchescha, e di questo quelli feraresi parlava con jubilo; bon dicono el Turcho haver ditto vol servar la pace con la Signoria, et che 'l signor ducha feva far oration contra infedeli come era il vero che si faceva per le chiesie, et che 'l ducha li disse haver nova l'armata di Franza esser stà vista a l'alba sotto Piombin la qual hora dia esser a Civitavechia, et che 'l ducha mostrava esser alieno di le cosse di Milan, à pochi danari, et à mandato a Fiorenza per haver 6000 ducati a interesse, non à potuto haverli, voria da la terra di Ferara danari in prestedo. Item, come el conte Zuam Francesco da la Mirandola, fo fiol del signor Galeoto, habi tolto el dominio di la Mirandola in sì, e non lo vol dar al conte Lodovico suo fratelo; et questo si ha per lettere dil conte Antonio Maria suo barba, è a Concordia, che scrive al ducha et il ducha à mandà misier Gilberto da Corezo con 200 cavali et certi fanti in aiuto di ditto conte Lodovico, el qual conte Antonio Maria voria venir a la Signoria, et à uno suo secretario qui.