Item, per uno vien di la [1020] Valona è zorni 7 partì, li ha dito esser lì preparate 6 fuste, et l'esercito haversi principiato a disolversi. Item, quel vaivoda di Montenegro adunava 1000 homeni paesani, si dice voler tuor bestiami su quel di Cataro. Item, à ricevuto nostre lettere con il formento e li ducati 500 e l'hordine di armar le fuste, la qual lettera havia leta publice a quel popolo, e tutti ringratia la Signoria, tamen, non era ancora zonte le do galie Malipiera e Marzella; et de li ducati 500 ha tolti ducati 200 per le spexe fate per il ruinar di monasterii, e il resto manderà al zeneral; e li formenti voria venderli ma non porà, per haver assà formenti, forsi stera 10 milia, etiam, ne aspeta di Puja; et havia armà la fusta, qual sarà presto in hordine; et che al luogo di le cadene à fato far certe zatere con bombarde suso per poner ivi a li bisogni. Ben voria un inzegner. Et à mandato in Antivari richiesto da quel podestà fanti 10, di quelli di Martinel di Luca, nel qual numero è do bombardieri. Item, à inteso una rixa seguita tra citadini lì in Antivari, adeo la terra ora sta in remor, et ha mandato sier Nicolò Balbi camerlengo lì, per adatar quelle cosse, qual per ubedir è andato volentieri.
     
      In questo zorno, e fo mio aricordo zà molti zorni, fo scritto a Trani dovesse serar il mercado di biscoti con quel mejor modo pol, e mandatoli la fede dil banco.
     
      Item, fo aldito per li savii, Jacomazo da Veniexia, ha cavali 200, qual dimandò alcune cosse per andar in campo.
     
      Item, fo ditto al secretario dil conte di Pitiano se li daria ducati 2000 per il fiol dil conte, per li 100 homini d'arme, e lui voria haver do page.