Item, come i provisionati era in Lodi li manda in cremonese, [1062] et in cremonese non esser 35 homeni d'arme, et che 'l ducha si vanta aspeta da Forlì 100 homeni d'arme, et etiam da Napoli soccorso di zente.
     
      Da Bergamo, di rectori, di 8. Come erano venuti do, vien di Franza, dicono il re vol andar a Turs da la raina 150 mia verso Franza, né verà in Italia si la raina non harà parturito; et che il ducha di Milan fortificava tutti li castelli confina col bergamasco, et il comissario di val San Martin li ha scritto il ducha, dubita et fa star 200 balestrieri a custodia, et al monte di Brianza fa provision, dubita la Signoria nostra non fazi un ponte su Adda.
     
      Da Vicenza, di rectori, di 9. Di l'honor fato quel zorno a monsignor di Beumonte, qual era partito per Verona. Item, sier Marco Antonio Morexini el cavalier, eri scrisse dil suo zonzer lì.
     
      Da Gradisca, di sier Andrea Zanchani, provedador zeneral. Come sier Marin Boldù provedador de lì stava mal, voria licentia de partirse de lì.
     
      Da Ravena, di sier Alvixe Venier, podestà et capitano, di 7. Come erano stà trovate alcune saline si facea in certe valle di Comachio, dietro a requisition di misier Alberto da cha d'Este, et le havia fate ruinar, et li homeni lavorava son scampati.
     
     
      [1499 08 12]A dì 12 avosto. In collegio. Fo leto prima lettere da mar, venute in questa note per via di terra molto desiderate.
     
      Dil capitano zeneral, di 18 lujo. Date in galia apresso Modom. Come a dì 14 zonse la nave di Pelegrini con li ducati 4000, poi el belingier di Pexari con ducati 2000 et li biscoti, li qual danari à ricevuto et li spenderà al bisogno.