Item, ā un fiol di anni 16, el qual fo insieme con lui su quel di Zara et fa che impara a guerizar, ha nome Mustafā. Item, mandō su quel di Sibinico cavali 5000 a far la coraria. Item, quel vayvoda de Juliesi č zenero del ditto bassā, el qual č vizin de la Servia e de la Bossina, si č andado con la so zente a la [1079] porta dil Turcho e ha lassā al bassā in governo el so paexe: ha nome Mustafā vayvoda. Item, el vayvoda de Smedero e de la Servia si č a la custodia di quel paese: ha nome Rachas. Item, el vayvoda del paexe di Creg, ch'č sora Ragusi, ha nome Choachat si č andado ancora lui con la so zente a la porta del bassā, ā lassā el so dominio in governo e in guardia. Item, questi sono vayvoda come condutieri soto el bassā. Di primi e principali, Alia Milich ā zente assai et č valente turcho, Maumethi Cassam ā simel zente in so governo, Mechmet beg ancora costui ā zente assai: queste tutte cosse ho inteso de uno homo ch'č fuzido del ditto bassā che era suo schiavo, fo preso quando fo soto Ducagin in Corbavia, el qual č zovene di etā di anni 25, si chiama Martin, et ā me afermado che mai ditto bassā non tien zente asunā, salvo la so corte quando insuna in tre dė e va dove el dia andar tal fia i non son asunadi tutti quelli che vien li va drio batando etc. Ex Pinguento, die decimo Augusti 1499.
     
      Da Curzola, di sier Alvixe Balbi conte, di 28 lujo. Dil zonzer di le tre caravele, disse mal si potrā armarle, et disse venendo la galia si vederā di armarla; tamen havemo di tre di l'instante come havia armade le caravele et spazate.