Et li cai di X mandono tutti fuora, et feno lezer una lettera.
     
      Vene sier Zacaria Dolfin provedador sora le cosse de mar, et disse in collegio: come sier Antonio Cocho li havia dito à inteso, per una barcha vien di Citanuova, come sora Jesolo era uno gripo qual veniva a vella, s'il sarà vero sarà presto qui, unde tutti stetero in expetation, tamen nulla fu.
     
      Da le Bebe, di sier Francesco Honoradi podestà. Vene una lettera scritta in forma granda ridiculosa al collegio, qual non fo leta.
     
      Da poi disnar, fo gran consejo, et fo fato podestà et capitanio a ... sier Zacaria Dolfin, e provedador su le cosse da mar sier Marco da Molin fo podestà a Chioza qual non passò, et ... consegii era stà fato che niun non passoe, et aceptò e da poi refudò.
     
     
      Lista di le zente franzese sono di qui da' monti,
      come si have da Crema per lettere di 15 avosto.
     
      El signor Zuam Jacomo Triulzi lanze 100
      Monsignor di Valentinoes " 100
      [1098] Monsignor de Ligny " 100
      Monsignor de Oson " 100
      Monsignor de Bomenton " 100
      El gran scudier " 60
      El signor Constantin governador di Monferà. Item, balestrieri a cavallo 200.
      Monsignor de Saluzo " 30
      Monsignor de ... " 60
      Monsignor de ... " 50
      El seneschalcho de Armignach " 30
      Monsignor de Castiglion " 50
      Monsignor de la Palissa " 50
      Monsignor de Foys " 70
      Monsignor de Chamon " 100
      Monsignor de Levidans, con zentilhomeni " 100
      Monsignor de Alegra " 100
      Monsignor de Presol " 100
      Monsignor de Obegny " 100
      Item, balestrieri a cavallo 100.
      Monsignor Jacomo di Be " 50
      Li zentilhomeni di la regina e pensionarii " 100