Fu posto, per sier Marin Lion procurator, sier Domenego Marin, sier Filippo Trum procurator, sier Leopoldo Loredam procurator, sier Nicoḷ Foscarini, sier Domenego Trivixam el cavalier savii dil consejo, sier Francesco Trum, et sier Marco Zorzi savii a terra ferma, di scriver a l'orator nostro in corte di quelli manda il re di Napoli et ducha di Milan in Hungaria etc., et digi al papa vogli mandar uno suo nontio. Et daṃ sia preso etiam di mandar uno nostro secretario. Sier Beneto Zustignam savio a terra ferma vuol la lettera con questo sia eleto [1110] et mandato uno ambasador et non secretario; et io Marin Sanudo, sier Faustin Barbo, sier Zuam Trivixam, sier Vetor Capelo et sier Zuam Moro savii ai ordeni volemo la lettera con questo sia mandato statim il secretario et doman sia electo uno orator con la comission parerà. Or leto tutte tre queste opiniom, et volendo mandar la parte, sier Nicoḷ Trevixan procurator anḍ in renga laudando l'opiniom di nui savii ai ordeni; li rispose sier Francesco Trum, poi sier Marco Dandolo dotor et cavalier era di pregadi, et fo ambasador in Hungaria, contra l'opinion nostra et di sier Beneto Zustignam, atento non era strade da passar l'orator ń el secretario; li risposi io Marin Sanudo dimostrando le vie, et quanto era meglio mandar un orator che secretario, adeo fici tanto che 'l pregadi sentiva l'opinion nostra; et sier Polo Barbo el consejer anḍ in renga, et fo in gran consejo, et parḷ contra tutte le opinion, et fè lezer una sua lettera scrivea a Roma che 'l papa mandi uno suo, et che non mandavemo nui orator per non esser suspeti, etc.