Et per il principe in conclusion li fo ditto dovesseno pagar lhoro soli.
     
      Da Crema, di sier Hironimo Liom, el cavalier podestà et capitano, di 10, più lettere. Haver avisi, e [1115] per via di misier Francesco Bernardin Visconte et per messi mandati a saper: come el ducha prima havia fato comandamento a tutti si reduga a le forteze zoè, Fontanelle e Bordelam, et si dovesseno redur o a Cremona o a Caravazo dubitando di la Signoria; et che non era ivi se non domino Francesco Bernardin con 100 homini d'arme, domino Francesco Triulzi con 50, el conte di Cajazo con 200, et domino Marco Martinengo con ...; et che molte zente d'arme, erano a quelli confini preso Araz, si levono dove erano per andar contra franzesi; et che a Milan el ducha è mal contento dil governo dil cardinal Ascanio, e non si parte mai da Lodi; et era posto hordine uno andasse in campo di lhoro, ma el ducha non se fida, non si vol partir di Milan. Item, di quel Cazavillan che ozi si dovea squartar a Milan, perché soa moglie confessò che 'l stete 5 zorni armato in caxa aspectando franzesi per saltar sul ponte acciò non si levasse.
     
      Da Bergamo, di rectori, di 26. Haver per uno explorator, qual fo fino in Alexandria, dil prender di Anom da' franzesi, et esser 25 in 30 milia persone, et esser fama il re con la raina a la fin di setembrio dia venir a Casal a parturir. Item, el signor Constantin esser in campo da Spersi e vol andar o a Vila nova o Basignana; el signor Galeazo di Sanseverino è in Alexandria con squadre 40, non ardisse ussir; et il ducha è a Milan; et a dì 18 a Pavia fu fato una crida chi voleva soldo andasse a Milan a tuorlo.