Item, è nova in Pisa esser intrati 200 provisionati mandati per luchesi, quali li danno favor, licet non mostrino pur fanno zente, dubitano essi luchesi de' fiorentini, e dicesi Paulo Vitelli expedito arà Pisa, anderà a Sarzana, loco che tien luchesi, et che fiorentini cussì come prospererà Franza cussì si mostrarano contra Milan.
     
      Noto. Li oratori pisani, Zuam di Lanti et Andrea di Colti, haveano lettere di 17 da Pisa, et erano a la porta tutto ozi per haver audientia, ma non la poteno haver.
     
      [1117] Da poi disnar fo collegio, si redusse el principe con la Signoria et savii tutti, et vene l'orator di Franza, al qual fo comunichà una materia secreta di Zenoa, mandati tutti fuora, et perché non vi era niun nodaro intrasse nel consejo di X, sier Bortolo Zustignam savio a terra ferma convene lui lezer, etc. Credo fusse che zenoesi mandono a dir a la Signoria si dariano a Franza.
     
      Da Ravena, dil podestà et capitano, di 20. Dil zonzer li di fanti da Roma, doman faria la mostra, e zonzerano etiam quelli di Urbim, e le zente d'arme qual avierano in brexana. Item, ha fato comandamento a domino Jvam Aldovrandin vadi con li balestrieri a Gradischa in loco di Zuam Griego justa i mandati, qual volendo lui ducati 200 li ha dati et à impegnati li soi arzenti.
     
      Da Udene, dil luogotenente, di 20 et 21. Manda alcuni avisi abuti da misier Nicolò Sovergnam. Come a Cremons a dì 18 era zonti 50 balestrieri, et ozi 100 tra balestrieri et schiopetieri venuti di Lubiana dove si adunava zente todesche. Item, mandò uno aviso auto da alcuni consorti, che in Bossina erano zonti tre sanzachi con 6000 turchi di novo, et Scander bassà ha 12 milia persone, quale tutte dieno venir a danno di la Signoria nostra.