Et per sier Polo Barbo el consejer in loco dil doxe fo confortati stesse di bon animo, la Signoria non mancheria et si provederia a la segurtà.
     
      Item, fo balotà di mandar una paga a le zente d'arme è a Gradischa computà li defeti, et a li contestabeli stanno lì Antonio di Fabri fanti 170, Alvixe Danovello 100 et Piero da le Curacine 50, etiam li stratioti prima ebbe la paga.
     
      Da Spalato, di sier Marin Muro conte, di 12. Come era stato lì el vayvoda Xarco qual lo laudò assai, et è stà bono averlo conduto, è in hordine, aspeta li danari: da novo ha come quelle zente turchesche vicine et sanzachi sono iti in campo.
     
      Et fo letto uno istrumento di mandar al re di Franza con li aderenti recomandati et confederati di la Signoria nostra, quali sono questi qui sotto anotadi, di voluntà dil collegio:
     
      El papa e la chiesia romana.
      L'imperio e li electori de l'imperio.
      El re e raina di Spagna.
      El re d'Angaltera.
      El re de Scozia.
      El re de Portogallo.
      El re de Hungaria.
      El re de Boemia.
      [1141] El re de Navara.
      El re de Dacia.
      L'archiducha di Bergogna.
      El gran Maestro e la religion di Rhodi.
      El ducha di Savoja.
      El ducha di Pomerania.
      El marchexe di Monferà.
      El signor Constantin come governador.
      Le anciane Lige, videlicet sguizari.
      La liga Grisa.
      El ducha de Urbim.
      La comunità di Lucha.
      La comunità di Ancona.
      El signor di Rimano.
      El signor Prefeto conte di Sinigaja.
      El signor di Faenza.
      El conte di Pitiano.
      El signor Carlo Orsini.
      El signor Bortolo d'Alviano.
      La caxa di Lodrom.
     
     
     
      Non fo posto.
     
      El re Maximiano.
      El re di Napoli.
      El ducha di Milan.