Et non stimava questi di Montenegro facesse tal cossa, ma si scusono esser sforzadi dal suo vayvoda per cupidità di preda, et lui provedador crede sia per dubito la Signoria non li acetava. Item, uno trato di bombarda lontano è le guardie de' turchi, et le nostre stavano de homini più di 200, et sono pocho distante, et il vayvoda ogni dì minaza. Item, scrive di Zupa periculum est in mora, pur è ben disposti, voria licentia dil consejo di X per alguni hanno taja. Item, à armato la fusta de lì, et aspectavano qualche altra fusta armada, et ha licentiato le caravele li mandò il conte di Curzola, et questo per non dar spesa a la Signoria nostra.
     
      Da Dulzigno, di sier Piero Nadal conte et capitano, et Alvixe Sagudino secretario, di 7 avosto. Come quelli vechii di Alesio li haveano scritto una lettera voriano tornar sotto la Signoria nostra, ma lhoro conseja la Signoria non esser tempo di tuorli, Item, voriano uno provedador lì per le zente assai passano in Puja, et esser una malattia di fluxo che molti moreno. Item, il conte voria la Signoria li mandasse danari, per le spexe convien far, et che turchi et martalossi ivi vicini minazavano voler corer.
     
      [1144] La lettera di vechii di Alesio, di 6, disse cussì: L'imperador de la Debitolia in campo ha impallà 4 spioni di la Signoria, fè consejo con li bassà, mandò via el bassà de la Romania con sue zente, et a dì 27 partì il Signor, va in la Morea contra la Signoria, et di zente venisse in questa parte nulla zè. Si partì questo homo di campo con li ambasadori, va a la Valona per passar in Puja.