Item, questa matina, per li provedadori executori, fo fato frustar atorno la piaza alcuni homeni di le Gambarare, haveano tolto danari a la barza Mora et erano fuziti.
     
      È da saper, vene in questa terra 8 e più homeni zaratini desiderosi andar a combater in campo, unde per il collegio fono mandati ai provedadori in campo acciò li toglino, etiam fo mandato misier Azalin bombardier optimo a Udene.
     
      Da poi disnar, fo consejo di X con la zonta di danari et di savii, etiam feno capi sier Baldisera Trivixan, sier Francesco Mocenigo et sier Lorenzo Zustignan per il mese di septembrio.
     
     
      Zente d'arme di la illustrissima Signoria di Venecia
      in campo in Lombardia di avosto 1499.
     
      homeni d'arme cavaliIllustrissimo signor conte di Pitiano governador zeneral, homini d'arme 250 et cavali 1000 zoè 250 1000
      El fiol et neodi in la sua conduta 100 400
      Conte Bernardin Fortebrazo 250 1000
      Signor Bortolo d'Alviano capitano di cavali lizieri 150 600
      Conte Filippo di Rossi 100 400
      Domino Taliam da Carpi 100 400
      Domino Zuam Paulo Manfron 100 400
      Conte Alvixe Avogaro 60 240
      Conte Zuam Francesco da Gambara 60 240
      Domino Tadio da la Motella 60 240
      Domino Alexandro Cojom 60 240
      Domino Antonio di Pii 60 240
      Domino Filippo Albanese 60 240
      Domino Carlo Secho 40 160
      [1177] Domino Justo Corso 25 100
      Domino Anzolo Francesco di Santo Anzolo 25 100
      Domino Zuam Diedo, veneto 25 100
      Domino Ascanio e Jacomo di l'Anguilara 25 100
      Domino Brazo Forte Brazo 20 80
      Domino Lazarin da Rimano 20 80
      Domino Francesco Beraldo 20 80
      Domino Lodovico di Sermoni over de Vilmerchà 20 80