Item, la terra è assai quieta, et non si varda parte alcuna.
     
      Da Ragusi, dil Gondola, di 12. Come à nova il Turcho in persona, et il bilarbei di la Natolia andava a Corphù, et il bilarbei di la Grecia a Napoli di Romania; l'armata si cercherà porsi in qualche porto, et in mar turchi si amalano, et nel l'exercito terestre c'è pur la peste. Item, che Schender bassà, corse a Zara, adunava zente in Bossina.
     
      In questo pregadi fo messo parte, per li savii, risponder a domino Zorzi Helecher orator cesareo in questa forma: prima dirli haverlo visto volentieri si per la persona sua qual amemo come per la observantia portemo a la cesarea majestà; poi comemorar li beneficii fati al signor Lodovico di averlo fato signor et mantenuto in stato, el qual à fato vegnir turchi contra de nui, et è stà quello à ditto mal a soa majestà, ma che la cristianissima [1215] majestà, ita volente Deo à voluto recuperar il suo duchato di Milan, et per opera divina più presto che humana zà quasi à finito di ricuperar, unde è stà esso signor Lodovico dil pecato suo remerità; et che al presente siamo insieme con la cristianissima majestà, et per tanto si potrà et la sua cesarea majestà il roy et la Signoria nostra atender a l'impresa contra infideli, come sempre la soa majestà cesarea a teneris annis ha in cuor di voler far, siché saremo di questo voler ben disposti. Et damò sia preso che al dito orator li sia pagà le spexe, et donà una veste di veludo negro, et mandato la copia di tal risposta in Franza et a Roma, acciò la mandino a li electori de l'imperio; et sier Polo Barbo el consejer volse una zonta et cavar certe parole dicendo: si la soa majestà havesse saputo la cativa natura dil signor Lodovico lo haria ripreso, et cussì in favor di la sua opinion andò in renga; li rispose sier Domenego Trivixan, el cavalier savio dil consejo noviter electo, ringratiò il consejo di haverlo electo, dannò l'opinion dil Barbo dicendo volea poner dil suo in ogni parte.