Item, manda una lettera di quel zorno di Zuam da Feltre contestabele a Pontevico, avisa che quel messo di domino Gabriel di Milij da Cremona vene lì, voleva li provedadori presto presto vi andasse, perché havia una porta in soa libertà over mandasseno 200 provisionati a tuorla, nostri fono pigri, etc. Avisa forsi potrà esser dificultà per esservi dentro tre parte: Franza, Ducha e San Marco. Item, manda una poliza, li scrive ditto domino Gabriel, solicitando venir dil campo propinquo. Et esso contestabele conclude quando la Signoria nostra haverà auto Cremona lo vogli poner a custodia per esser fedelissimo.
     
      Di Roverè, di sier Nicolò da cha da Pexaro, podestà di 4. Come quelli di la liga Grisa e agnelini preparano zente per venir contra il re di romani, e [1230] di novo si accende il foco in val Venosa, et queli di Trento feva zente.
     
      Da Feltre, di sier Barbaro, podestà et capitano, di 5. Come quelli di Ivam e Primier fevano zente justa la deliberation fata in la Dieta di far exercito, perché sguizari par vieneno forti contra di lhoro e par de' brieve la trieva sia rota; ha mandato exploratori per saper.
     
      Da Ravena di sier Alvixe Venier podestà e capitano, di 6. In materia di Codignola, par habino volontà queli dil loco di rendersi, tamen vi manderà le zente a campo, e tutto è in hordine.
     
      Da poi disnar fo collegio. Et fo leto una lettera di sier Andrea Baxadona capitano di le galie di Barbaria de li successi seguidi in armada, ma prima scriverò la lettera dil capelan.
     
     
      Copia di una lettera scritta