Et è stà dato recapito a le lettere dil gran maistro di Cypro Malipiero, in Cypro.
      Insuper el numero de le barze di Franza sono numero 16 in tutto, 4 grande, zoè la nave di la religion di bote 3000, la segonda la barza Aloysa de bote 2500, la terza Vapiamon de ditta portà, la quarta de bote 1000, tutto il resto di bote 400 in zo, 4 galie sotil, do fuste, et tre altre barze da Rhodi oltre le dicte in dicto numero sopragionse di bote 500 in zoso: se pol extimar in tutto esser azonte persone 6000. Et vostre magnificentie intenderano che da poi che la magnificentia di misier venuta la dita armada di Franza andò come ho ditto a visitation sua, la sera stessa el capitano di Franza vene a visitation di la magnificentia di misier, zerto con grande amor, ma fo li fato grande honor.
      A dì 19 ditto. De comun concordio di la magnificentia di misier, provedadori et capitano di Franza, atento che l'armata del Turcho la mazor parte era quasi in terra, et lo resto fato a modo d'un castello, uniti, che si dovesse zerchar de ponerli focho, et cussì tolseno 4 nave de le più vechie et do caravele et poste in hordine con promissione a chi anderia suso havesseno provisione justa il solito ducati 5 al mexe e una caxa di bando.
      Item, in dicto dì la magnificentia di misier mandò per tutti li comiti et paroni di le galie grosse, et fezeli un'ammonitione di tal sorta che tutti rimaseno sbigotiti; et più aziò non se potesseno excusare sopra loro patroni, perché potriano veramente, li dè facultà che se in lo investir li suoi patroni obstassero che [1239] non dovesseno obedir, et si procedesse più oltra, che in tal caso li poteseno tuorli la vita, non obstante che dicto hordene in scriptis già quatro zorni gli fusse mandato.