De sopra ho dicto et più vi replicho se a mi stesse el cargo principale non me oseria con tutta l'armata nostra a tuor una impresa contra tre nave senza homeni, a quel ch'io veduto et ch'io vedo, perhò a tal impresa, sempre con ogni riverentia parlando, se voria far homeni e non femene, ghe vuol altro a uno valente capitano che essere sagio, valente, solicito et aventuroso, ghe vol obedientia et forze, et si è poche almeno buone. Non posso parlare et mancho scrivere, [1240] solum per uno respeto non più aziò la pena non cora.
      Insuper avanti tal imprexa, la magnificentia di misier fè metter in feri Andrea Castelan armirajo de le galie di Barbaria, et meritamente per essere una femena senza cor, et esser stà causa de scandolo in la prima bataglia; lui merita ogni male, ma più, etc.
      A dì 21 ditto, a hore do de dì. Si rendesseno li magnifici provedadori con l'armirajo dal magnifico capitano di Franza con la magnificentia di misier, substantialiter al fatto di poter obviare che lo inimico non prosperi, et che non passa più oltra, la qual cossa par a me difficile, et fu fate assà provision e preparation che subito cesasse la pioza, che tutta la note fina ad hora ha piovesto e piove, è de investire maxime per nui essere soravento, de che prego Idio sia con nui e acresca li cori: quel che seguirà vostra magnificentia de subito lo intenderà; dinotandovi che la causa che la magnificentia di misier è stà cussì lento in expedir lettere a Venecia è stà pur con speranza de scrivere qualche bona nova e non nove da attristare e tribulare quella amena et religiosa patria la qual pena assai etc.