Tamen le cosse andando a la longa gli ha parso quel ch'è stà de dinotarlo; se farà ogni diligentia che lo inimicho non passi con conservation de l'armata nostra, tamen Dio fazi quello li piaze quia ipse est Dominus fortis et potens in proelium, ma passa quando voglia, il terzo dico la mità non passerà, che fina ad hora tra scampati, morti presi et mal menati è più de l'armata, et maxime de le monition, et li rimanenti navilii non sono senza macula: vero è che questo non saria a sodisfation nostra, tamen qui fecit quod potuit legem adimplevit. Per alcuni turchi presi se à inteso come eri da matina azonse socorso a l'armata turchescha 1500 gianizari e 500 schiavi trati da la Morea, da remo.
      In questa matina ne l'alba una saieta andò nel alboro de le galie grosse, patron misier Lorenzo Pasqualigo, è mal conditionado, credo se aiuterà con penoni. Non altro. Si troppo son prolisso nel scriver, il fazo per non manchar a vostre magnificentie aziò le habi particularmente la verità dil tutto, solum mi mancha a dinotar in che affanni si trova la magnificentia di misier, homo di sua età dormir in curazina e de dì in dì vestir de ferro; non voglio seguir più oltra si perché existimo vostre magnificentie lo comprenda, come etiam per non ponervi fastidio, perhò che so ne haveti a suficentia, tamen per Dio gratia sua magnificentia sta assà bene. Fate frequentar le [1241] oratione, mi par che giovano assai. A vostre magnificentie mi racomando.
      Data ut supra, die 21 augusti 1499 hora 23.
      Sottoscrition: Presbyter Hironimus Cesoto.