E poi, per un'altra lettera, subito debbi ringratiar el ditto di le parole usate di voler esser sempre nostro, e quanto al socorer di Pisa saremo ben contenti di ogni ben suo. Primo contradixe sier Nicolò Trivixan procurator qual vol dir f p r p r p et mp nt p. p. (sic), et pratichar etc.; li rispose sier Lunardo Grimani, poi sier Nicolò Foscarini savio dil consejo, a tutti do poi sier Antonio Valier consejer qual non volea scriverli di la materia di Pisa, poi sier Polo Barbo el consejer, poi sier Lunardo Loredan procurator savio dil consejo; li rispose sier Alvixe da Molin savio a terra ferma, demun sier Polo Pixani el cavalier avogador de comun, et sier Polo Barbo intrò in l'opinion di sier Antonio Valier, et li altri consejeri dei savii. E andate le parti, quella del Valier fo 33, et di savii el resto; et fu preso di scriver le lettere come stava, e si stete fino hore do di note, comandà credenza e dato sacramento.
     
     
      [1499 09 11]A dì 11 setembrio. In collegio. Prima fo leto una lettera de Vicenza di sier Alvixe Moro podestà et sier Domenego Contarini capitano, di 10: come per alcuni venuti di Valtelina hanno a dì 3 Ascanio con uno gran maistro con lui fu a Morbegno dove deva danari a' todeschi, siché dubitano essi rectori di novità; voriano Vicenzo di Naldo qual ha fanti, et era de lì, et li 200 deputati far per quella comunità restasseno de lì; avisano non haver monition alcuna. Et mandoe uno Andrea di Guastagna a la Signoria acciò quella intendi il tutto.
     
      [1274] Relation dil preditto Andrea di Guastagna visentin, in collegio.