IX. Item, quod statuta dictae civitatis et doctorum, medicorum, notariorum et aliorum praticorum serventur, cum potestate reformandi, et quod comunitas Cremonae regatur et gubernetur justa ordines suos.
      X. Item, quod omnes causae, tam principales quam apellationum civitatis et diocesis cremonensis, et tam delegatae quam ordinariae, committantur et terminentur secundum statuta et ordines factos et fiendos per ipsam civitatem, et quod causae extrahi non possint extra civitatem et diocesim cremonensem quovis modo.
      XI. Item, quod cremonenses possint ab omnibus mundi partibus libere conducere Venetiis et ad alia loca subiecta et subjicienda venetis mercaturas et res suas tam per terram quam per aquam, easque libere vendere ipsis venetis et forensibus, solvendo pro intrata et exitu ad rationem unius pro centenario tantum: et quod possint libere emere Venetiis, et etiam extra Dominium venetorum a quacumque persona mercantias cujusumque generis, easque conducere Cremonam, et ad alia loca, solvendo ut supra, et quod de dictis mercaturis non solvatur Cremonae nisi datium gabellae predictae.
      XII. Item, quod omnia blada, et quaecumque fruges, fructus, redditus et proventus possint libere conduci de civitate et districtu cremonensi ad quaecumque loca, tam illustrissimi Dominii venetorum quam non, sine solutione, dummodo non conducantur ad partes inimicorum; et quod praefata serenissima Dominatio debeat procurare quod quicumque cives et incolae civitatis et districtus cremonensium, tam ecclesiastici quam seculares, habentes et [1283] habituri possessiones ultra Padum, Abduam et Olium possint et valeant libere conducere quascumque fruges ut supra; alias serventur idemptidem contra habentes possessiones in territorio Cremonae.