XIII. Item, quod ex flumine Olii, Abduae et Serii et ex quocumque loco, fortilicio et undecumque, possint extrahi aquae pro usu civitatis et districtus, et quod privilegia et jura imperialia civitati concessa in flumine Oleo et Abdua manuteneantur ipsi civitati.
      XIV. Item, quod banniti hinc retro per praefatam serenissimam Dominationem venetorum de dominio a terra loco et aqua cum talea et sine, cives et incolae civitatis Cremonae, de banno eximantur pro inde ac si nunquam fuissent banniti, et maxime dominus Franciscus Cellanus, Borsius Zuchus, Philippus Luzago, Marchinus de Ferrarijs, Polidorus Testa, Joanes Antonius Sala, Antonius de Ceriolis et Angelus de Stradivertis, et quod nullus civis vel incola civitatis et diocesi Cremonae de presenti non bannitus possit relegari seu confinari nisi ex novo crimine: et quod perfidus Joannes Angelus nunquam possit repatriare nec gaudere beneficio dictorum capitulorum nec aliquo commodo civitatis.
      XV. Item, quod bona alicujus malefactoris confiscari non possint, et quod banniti et baniendi a territorio cremonense non possint habitare in aliqua civitate vel terra propinqua limitibus teritorii cremonensis per milliaria quindecim.
      XVI. Item, quod banniti cremonenses ex homicidio et quocumque alio delicto, eximantur de banno habita pace cum offensis, aut data fidejussione de non offendendo.
      XVII. Item, quod praefacta illustrissima Dominatio dignetur procurare cum effectu quod omnia beneficia ecclesiastica et quaecumque loca pia civitatis et diocesis cremonensis, excepta episcopali dignitate, sint civium civitatis Cremonae.